Sa'afiafiga, mo'omo'oga

Aue, a 'ou va'ai atu i tala a tagata o loo mo'omo'o ai i o latou tina i luga o le foliga tusi, ua lagona ai lava lou fa'anoanoa ma lou fia fo'i i lou aiga i Samoa. A matou talanoa fo'i ma tagata e fa'atatau i o tatou tupu'aga, oute mo'omo'o ai lava i lota toe fia fo'i i taimi ia o ota la'ititi ma 'ou uso, ao ota le mafaufau tetele i tua atu o le olaga fa'atamaititi.
O isi taimi ou te manatua ai lo'u tama, e mo'i na maliu o lima 'ou tausaga ae oute manatua lava ia i taimi sa ia 'aoaoina ai ita, faapea ma le taimi o tata ai ana musika i le LP. O lo'u faanoanoaga e pei ona ma talanoa ai ma se tasi o ou uso ona o aso ua te'a le maliu o le matou tama, sa le mafai, e le sa matou nonofo faatasi, ona ia taliaina taimi matou te autagi ai, pe mo'omo'o ai i lo matou tama. Sa ia taumafai e fai tala malie ina ia matou faagaloina ai lo matou tama. Atonu o lona manatu o le sa'o lea, ae paga lea o le, atili faigata lea ona faagaloina le sa pele ia te au faapea fo'i ita ia te ia.
E alu aso ae sau fo'i aso, ua te'a lota fa'anoanoa tele i ia tulaga, ae le galo lava le mafanafana o le matou mafutaga i le va o lo matou aiga. Ou te tatalo ina ia alofa le Atua ia maua e e o lo'o a'afia pea o latou loto ona oni faanoanoaga i o latou olaga. Soifua

Comments

Goddess said…
Na'o le fa'amomoi loto se au tusitusiga siaula, ua ota tagi atu ai fua i le aoauli o le aso Faraile. E sa'o lelei oe, e ese le tuga ma le faigata o lenei olaga pe'a motusia le mafutaga.
Ae loto tele ma toe manatunatu i aso fiafia ma faatasi pea i tatou i talosaga.
Omega ; Alex said…
Auoi, na o'otia lou loto i la'u tala. Ia na faapena o'u faalogona i le taimi lea. Ia pau lava o auga o lenei aso. Ia ae ua tuai na o'o mai le masina fou:)

Popular posts from this blog

Samaga Pe'a

Fagu'u / Samoan oil